Անգլիական այգում...

Առավոտյան ընդհանուր պարապմունքից հետո ջոկատով ուղևորվեցինք դեպի Անգլիական այգի: Այցը մեզ համար 2 նպատակ ուներ՝ տարածել Ամառ 2017 տեղեկատվական թերթիկները և մանրամասն ուսումնասիրել այգու տարածքը՝ հունիսի 16-ի, ժամը 18:00-ի համերգին ավելի վստահ զգալու համար: 


Տեղեկատվական թերթիկները բաժանելու համար տեղը շատ հարմար էր ընտրված: Այդ ժամին այգին լի էր մայրիկներով ու տատիկներով, ովքեր իրենց փոքրիկներին զբոսանքի էին բերել: 

Մայրիկները պարզապես շնորհակալություն էին հայտնում ու վերցնում թերթիկները, սակայն տատիկների ձեռքից այդքան էլ հեշտ չէր ազատվելը. Իրենց հետաքրքրում էր ամեն ինչ, անգամ դպրոցի ֆինանսավորումը: Որքան կարողացանք պատասխանեցինք նրանց հարցերին: Այգուց դուրս եկանք և Հյուսիսային պողոտայով զբոսնելով հասանք ազատության հրապարակ: Մեր ջոկատի մի խումբ սովորողներ պետք է ձայնագրվեին, այդ իսկ պատճառով մենք ժամը 13:00-ին արդեն դպրոցում էին: Օրը ամփոփվեց վաղվա անելիքների քննարկմամբ: